| Կայքի մենյու |
| | |
 |
| Մեր հարցումը |
| | |
|
| Չաթ |
|
| |
|
|
 | |  |
| Գլխավոր էջ » 2012 » Նոյեմբեր » 19 » Արտյոմ Խաչատուրով. Ինձ համար մեծ պատիվ կլինի խաղալ Հայաստանի հավաքականում
00:05 Արտյոմ Խաչատուրով. Ինձ համար մեծ պատիվ կլինի խաղալ Հայաստանի հավաքականում |
 Տիրասպոլի «Շերիֆի» պաշտոնական կայքը այսօր զրուցել է թիմի հայ ֆուտբոլիստ Արտյոմ Խաչատուրովի հետ, ով Լիտվայի հետ ընկերական հանդիպման համար արդեն հրավիրվել էր Հայաստանի հավաքական, սակայն որոշ խնդիրների պատճառով չժամանեց Երևան: Այժմ նա հաստատել է, որ ցանկանում է խաղալ մեր ընտրանու կազմում:
Ճի՞շտ է, որ դու ցանկանում ես խաղալ Հայաստանիհավաքականում:
-Այո, դա այդպես է: Ինձ համար մեծ պատիվ կլինի խաղալ Հայաստանի հավաքականում, քանի որ իմ հայրը հայ է, ու դա մեր հայրենիքն է:
Իսկ ե՞րբ այդպիսի որոշում կայացրեցիր:
-Երբ «Շերիֆը» Չեմպիոնների լիգայում խաղում էր «Ուլիսի հետ», ինձ զանգահարեցին ու Հայաստանի հավաքականում խաղալու առաջարկ արեցին: Ես խորհրդակցեցի իմ ծնողների հետ ու որոշում կայացրի հօգուտ Հայաստանի հավաքականի:
Չե՞ս զղջում, որ լքում ես Մոլդովայի երիտասարդական հավաքականը, որտեղավագն էիր ու հաճախ գոլեր էիր խփում:
-Այո, իհարկե, ես ափսոսում եմ, սակայն ինձ հարկավոր է աճել ու զարգանալ: Երիտասարդական հավաքականում բոլորն ինձ լավ էին վերաբերվում, այն իսկապես ուժեղ ու պայքարող թիմ է, սակայն ինձ հարկավոր է ավելի բարձր մակարդակ դուրս գալ: Դրա համար, ես վստահ եմ, որ մի քայլ առաջ եմ կատարել:
Իսկ ինչպես՞ ես պատրաստվում ընդհանուր լեզու գտնել խաղացողների հետ:Հայերենին տիրապետո՞ւմ ես:
-Ոչ, հայերեն լեզուն չգիտեմ, սակայն աստիճանաբար կարող եմ սովորել այն: Ուզում եմ ասել, որ Հայաստանի հավաքականում շատ լեգեոներներ կան, ովքեր խոսում են ռուսերենով: Այնպես որ, ֆուտբոլիստների ու մարզչական շտաբի հետ ընդհանուր լեզու կկարողանամ գտնել:
Իսկ ինչպե՞ս ես վերաբերում Իոն Կարասի այն խոսքերին, որում նա ասել է, որապագայում կարող էր քեզ հնարավորության տալ հրավիրվելու Մոլդովայի ազգայինհավաքական:
-Գիտեք, եթե ինձ ցանկանային հրավիրել ազգային հավաքական, ապա դա արդեն տեղի ունեցած կլիներ: Տարօրինակ է, բայց երբ խոսեցի այն մասին, որ ուզում եմ խաղալ Հայաստանի հավաքականում, անմիջապես հայտնվեցին Մոլդովայի հավաքականի գլխավոր մարզչի խոսքերը: Թե նա ասում է, որ ապագայում հնարավոր է կանչի ինձ: Կրկնում եմ, եթե դուք ցանկանայիք, ես արդեն կխաղայի ազգային հավաքականում: Կասկածում եմ, որ ես այնտեղ անհրաժեշտ էի,- ասել է Արտյոմ Խաչատուրովը:
«Շերիֆ ՖԱ»-ի մամուլի ծառայություն
|
|
Կատեգորիա: Հայկական ֆուտբոլ |
Դիտումներ: 253 |
Ավելացրեց: Администратор
| - Վարկանիշ -: 0.0/0 |
Մեկնաբանություններ ավելացնել կարող են միայն գրանցված անդամները [ Գրանցում | Մուտք ] | |
 | |  |
|
