 Կատալոնական Բարսելոնայի և Ֆրանսիայի հավաքականի եզրային պաշտպան Էրիկ Աբիդալը, ով լյարդի փոխպատվաստման վիրահատությունից հետո սկսել է մարզվել, պատմել է իր ապագա պլանների մասին.- Բավականին լավ եմ զգում ինձ: 8 ամիս առաջ ես վիրահատվեցի և որոշեցի պայքարել, որովհետև ֆուտբոլն իմ կյանքն է: Իսկապես շատ դժվար է եղել, սակայն գնալով ես հասկանում էի, որ կարող եմ հաղթահարել: Ես երբեք չեմ մտածել ավարտել ֆուբոլային կարիերան, որովհետև սա ոչ միայն գումար վաստակել է ինձ համար, այլ մի ամբողջ կյանքը, ինչը ես կարողացել եմ գնահատել:- Տիտոն և ես վերապրեցինք այս ցավը և կարծում եմ , մենք լավ ենք հասկանում, թե ինչ է նշանակում հիվանդությունը: Չեմ սիրում երկար խոսել, սակայն կնշեմ, որ Վիլանովան հասկանում է, թե ինչ եմ մտածում:
|
