 Կատալոնական «Բարսելոնայի» արգենտինացի հարձակվողԼիոնել Մեսսին պատմել է ԳՖՀ-ի հավաքականի նախկին հարձակվող Գերդ Մյուլլերի ռեկորդը գերազանցելու իր հնարավորության մասին.- Ես նպատակ չունեմ գերազանցելու Մյուլլերի ռեկորդը: Թիմակիցներս ասում են, որ կօգնեն ինձ ռեկորդը թարմացնելու հարցում, սակայն այդ ռեկորդը ինձ համար ամենևին էլ ամենակարևոր բանը չէ: Իհարկե, հաճելի կլինի, եթե ես կարողանամ թարմացնել ռեկորդը, և այն այնքան երկար լինի չգերազանցված` ինչպես Մյուլլերի նվաճումը: Սակայն, եթե դա չստացվի` ոչ մի սարսափելի բան էլ չկա: Ինչ վերաբերվում է «Ոսկե Գնդակին», ապա ասեմ, որ ես անիմաստ եմ համարում գնահատել իմ շանսերը և որևէ մեկնաբանություն տալը այդ կապակցությամբ: Եկեք սպասենք մինչև հունվարի 7-ը, երբ կհայտարարվի որոշումը,- ֆուտբոլիստի խոսքերն է մեջբերել AS-ը: Հիշեցնենք, որ օրացույցային 2012 թվականի ընթացքում Մեսսին դարձել է 84 գոլի հեղինակ, իսկ Մյունխենի «Բավարիայի» և ԳՖՀ-ի նախկին հարձակվող Գերդ Մյուլլերը 1972 թվականի ընթացքում կարողացել է դառնալ 85 գոլի հեղինակ:
|
