 UA-Футбол-ի անցկացրած հարցման արդյունքում Ուկրաինայի 2012թ լավագույն կիսապաշտպան է ճանաչվել Հայաստանի հավաքականի և Դոնեցկի «Շախտյորի» ֆուտբոլիստ Հենրիխ Մխիթարյանը: Մխիթարյանի օգտին իրենց ձայնը տվել են հարցվածների 60 տոկոսը: Լավագույն կիսապաշտպանների թվում են նաև Հենրիխի թիմակից Ֆերնանդինյան (39,3%) և Կիևի «Դինամոյի» ներկայացուցիչ Միգել Վելոզուն (34,3%): Ահա թե ինչ է գրել կայքը Հայաստանի հավաքականի առաջատարներից մեկի մասին.
«Մխիթարյանի ընտությունը բավականին հեշտ բացատրելի է: Հենրիխը, ով անցած մրցաշրջանում խաղաց հենակետայինի գոտում, այս տարի փայլատակեց հարձակվողական ոճի կիսապաշտպանի դիրքում: Միրչա Լուչեսկուից ստանալով ազատություն` Մխիթարյանն առաջին տուրից սկսեց գոլեր խփել և այժմ Ուկրաինայի Պրեմիեր լիգայի 17 խաղում դարձել է 18 գոլի հեղինակ: Նրա արդյունավետությունն արդեն գրավել է եվրոպական առաջատար ակումբների ուշադրությունը: Միևնույն ժամանակ Հենրիխը դեռ աճի տեղ ունի: Մասնավորապես, հավասարազոր թիմերի հետ նա այնքան արդյունավետ չի գործում, ինչպես միջակ թիմերի դեմ խաղերում»:
|
