«Կուբանի» պաշտոնական կայքը ամփոփել է Ռուսաստանի առաջնության 2012/13 մրցաշրջանի աշնանային հատվածի լավագույն ֆուտբոլիստի որոշման քվեարկության արդյունքները:

Հարցմանը մասնակցել են 2826 այցելուներ, որոնց մեծամասնությունը իրենց ձայնը տվել է Արազ Օզբիլիզին: Հայաստանի հավաքականի կիսապաշտպանի օգտին քվեարկել է երկրպագուների 54 տոկոսը:

Երկրորդ տեղը զբաղեցրել է դարպասապահ Ալեքսանդր Բելենովը, ում օգտին ձայն են տվել քվեարկածների 29,7 տոկոսը, իսկ երրորդ տեղում իսպանացի Անխել Դեալբերտն է` 4 տոկոս: