Ավարտված ուիք-էնդի ընթացքում կայացել է Բելառուսի չեմպիոնի` Բորիսովի ԲԱՏԷ-ի պարգևատրության արարողությունը:

Երկրի ուժեղագույն ակումբի կազմում ոսկե մեդալի է արժանացել նաև Հայաստանի հավաքականի կիսապաշտպան Զավեն Բադոյանը, ով մասնակցել է ընդամենը 6 հանդիպման` ընդհանուր առմամբ խաղադաշտում անցկացնելով 187 րոպե:

Ավելացնենք, որ Վիկտոր Գանչարենկոյի սաները արդեն մեկնել են արձակուրդի, որը կտևի մինչև հունվարի 12-ը, տեղեկացնում է ԲԱՏԷ-ի պաշտոնական կայքը:

Մինչև եվրոպայի լիգայի 1/16-րդ եզրափակիչը, որը նախատեսված է փետրվարի 14-ին ու 21-ին, բորիսովյան ակումբը երկու ուսումնամարզական հավաք կանցկացնի թուրքական Բելեկ քաղաքում: