 Կիևի «Դինամոյի» ու Դնեպրոպետրովսկի «Դնեպրի» նախկին ֆուտբոլիստ Վլադիմիր Շարանը Ukrainefootball.netկայքին տված հարցազրույցում խոստովանել է, որ տպավորված է Հայաստանի հավաքականի և Դոնեցկի «Շախտյորի» կիսապաշտպան Հենրիխ Մխիթարյանի խաղով:
- Ինձ վաղուց դուր է գալիս Մխիթարյանի խաղը: Իսկ ընթացիկ մրցաշրջանում նրա խաղն ավելի տպավորիչ է: Մխիթարյանը կարգապահ է, հետևում է իր մարզավիճակին: Կարծում եմ` այդ ամենը միասին «Շախտյորի» ֆուտբոլիստի հաջողության գրավականն է,- հայտարարել է հայտնի մարզիչը: Հիշեցնենք, որ մեր ֆուտբոլիստը Ուկրաինայի ընթացիկ առաջնության 17 խաղում դարձել է 18 գոլի հեղինակ, ևս երկու գնդակ է խփել Չեմպիոնների լիգայում խաղարկությունում` դուբլի հեղինակ դառնալով դանիական «Նորդշելանդի» դեմ առաջին խաղում:
| 
